நாம் சாப்பிடும் உணவில் இவ்வளவு தீங்குகளா? தர்பூசணி உள்ளிட்ட இயற்கை உணவுகளை அழிக்க சதியா? உணவு பாதுகாப்பை உறுதிப்படுத்த ஒரு நிமிடம் படியுங்கள்!

“தமிழகத்தில் கோடை காலங்களில் தர்பூசணி வியாபாரம் அதிகமாக நடைபெறுகிறது. தமிழகத்தில் பல மாவட்டங்களில் தர்பூசணி விவசாயம் செய்யப்படுகிறது. குறிப்பாக, செங்கல்பட்டு மாவட்டத்தில் 16,000 ஏக்கர் பரப்பளவில் தர்பூசணி சாகுபடி இந்த ஆண்டு நடைபெற்றுள்ளது. விளைந்த தர்பூசணிகள் சந்தையில் விற்பனைக்கு வந்துள்ள நிலையில்  தர்பூசணியை பழுக்க வைக்க செயற்கையாக ரசாயனம் ஊசி மூலம் பழங்களில் செலுத்தப்படுகிறது என்ற வதந்தி பரவியது. இதனை தொடர்ந்து உணவு பாதுகாப்பு அதிகாரிகள்   தர்பூசணி விற்பனை செய்த பல இடங்களில் ஆய்வு செய்தனர். இதனால் மக்கள் மத்தியில் செயற்கை ரசாயனம் தர்பூசணியில் கலக்கப்பட்டு இருக்குமோ? என்ற அச்சம் தோன்றியது.

கோடை காலத்தில் விவசாயிகளுக்கு நல்ல வருவாய் ஈட்டித்தரும் தர்பூசணி பழங்களில் ரசாயனம் கலக்கப்படுவதாக உணவு பாதுகாப்புத் துறை அதிகாரிகள் தர்பூசணி குறித்து தவறான பிரசாரம் மேற்கொண்டனர். இதனால், தர்பூசணி விவசாயம் செய்த விவசாயிகள் கடுமையாக பாதிக்கப்பட்டுள்ளனர். இப்பிரசாரத்தால் ஒரு கிலோ ரூ.2-க்கு விற்கும் சூழல் ஏற்பட்டுள்ளது எனக்கூறி தமிழ்நாடு விவசாய நல சங்க தலைவர் ஒருவர் சென்னை உயர்நீதிமன்றத்தில் உணவு பாதுகாப்பு துறையினர் மீது வழக்கு தாக்கல் செய்தார். 

ஓரிரு நாட்களுக்கு முன்னர் இந்த வழக்கு சென்னை உயர்நீதிமன்றத்தில் விசாரணைக்கு வந்த போது, “தமிழகம் முழுவதும் நடத்தப்பட்ட ஆய்வில் எங்கும் தர்பூசணியில் ரசாயனம் கலக்கப்படவில்லை என்பது தெரியவந்துள்ளது” என்று அரசு வழக்கறிஞர் நீதிமன்றத்தில் தெரிவித்தார். இதனைத் தொடர்ந்து, தர்பூசணியில் ரசாயனக் கலவை இல்லை என்பதை பொதுமக்கள் அறிந்து கொள்ளும் வண்ணம் தமிழக அரசு விளம்பரம் செய்ய வேண்டும்.  குற்றச்சாட்டுகள் குறித்து உணவு பாதுகாப்புத் துறை அதிகாரிகள் விளக்கமளிக்க வேண்டும், சென்னை உயர்நீதிமன்றம் உத்தரவிட்டுள்ளது.

தமிழகத்தில் அதிகமாக விளையும் மாம்பழம் விற்பனை செய்யப்படும் சீசன் வரும்போது மாங்காயை பழுக்க வைக்க செயற்கை ரசாயனம் பயன்படுத்தப்படுகிறது என்ற குற்றச்சாட்டு ஒரு சிலரால் தீய எண்ணத்துடன் தொடர்ந்து பரப்பப்படுவதும் வழக்கமாக உள்ளது. இது போலவே இயற்கையாக கிடைக்கும் ஆப்பிள் ஆரஞ்சு உள்ளிட்ட பல வகைகளிலும் செயற்கை ரசாயனம் பயன்படுத்தப்படுவதாகவும் செய்திகள் பரப்பப்படுகின்றன. 

ஒரு சிலர் ஆப்பிள், மாம்பழம் போன்ற வகையில் செயற்கை ரசாயனத்தை பயன்படுத்தக்கூடும். ஆனால், ஒட்டுமொத்தமாக இவ்வாறு குற்றம் சாட்டுவதன் மூலமாக இயற்கையாக உடலுக்கு சிறந்த மருந்தாக கிடைக்கும் காய்கறிகளையும் பழங்களையும் செயற்கை ரசாயன கலப்பு செய்யப்படுகிறது என்ற வதந்திகளை ஒரு சிலர் திட்டமிட்டு பரப்புகிறார்களோ என்ற அச்சம் ஏற்படுகிறது. இதன் மூலம் இயற்கையான காய்கறிகள் பழங்களை மக்கள் வாங்கி பயன்படுத்துவதற்கு பதிலாக செயற்கையான குளிர்பானங்கள் ஐஸ்கிரீம்கள் போன்ற உணவுப் பொருட்களை நாடிச் செல்லக்கூடிய நிலை ஏற்படுகிறது. 

காய்கறிகளையும் பழங்களையும் நம்முடைய விவசாயிகள் உற்பத்தி செய்கிறார்கள். ஆனால், குளிர்பானங்களையும் ஐஸ்கிரீம் போன்ற உணவு பொருட்களையும் கார்ப்பரேட் நிறுவனங்கள் உற்பத்தி செய்து மாதக்கணக்கில் வைத்திருந்து இந்தியா முழுவதும் விற்பனை செய்கின்றன என்பதை மறந்து விடக்கூடாது. இது மட்டுமல்ல பாக்கெட்டுகளில் அடைத்து விற்கப்படும் பல்வேறு உணவுப் பொருட்களில் ரசாயன கலப்பு உள்ளது. பிஸ்கட், ரொட்டி போன்ற வகைகளில் உணவுக்கு உடலுக்கு தீங்கு விளைவிக்கும் மைதாவும் ரசாயன கலப்பும் மிகுந்து கிடைக்கிறது.  பீட்சா, பர்கர் போன்ற உணவு வகைகள் தயாரிக்க பயன்படுத்தப்படும் பொருட்களில் ரசாயன கலவைகள் அதிகம் பயன்படுத்தப்படுகின்றன. 

விவசாயிகள் உற்பத்தி செய்யும் உணவு பொருட்களுக்கு எதிராக எளிதாக தவறான பிரச்சாரத்தை பரப்ப முடிகிறது ஏனெனில், விவசாயிகள் இத்தகைய பிரச்சாரம் முறியடிக்க கூட்டாக இணைந்து போராடுவதில்லை ஆனால் பல கடைகளில் விற்கப்படும் பல ரெடிமேட் உணவு வகைகளில் கலந்து இருக்கும் ரசாயன பொருட்கள் குறித்த விழிப்புணர்வு நம்மிடையே இல்லை இத்தகைய பொருட்களில் ரசாயன கலப்பை விலக்கி விழிப்புணர்வு ஏற்படுத்த நம்மிடம் நாம் யாரும் முயற்சிப்பதில்லை.

இயற்கையான குடிநீரில் கிடைக்கும் தாது சத்துக்களை எடுத்து விட்டு சுவைக்காகவும் கெட்டுப் போகாமல் இருக்கவும் செயற்கை முறையில் சில சத்துக்களை இணைத்து விற்கப்படும் வடிகட்டிய நீரை கடைகளில் வாங்கும் வாங்கிப் பெறுவது வாங்கி பருகுவது நாகரீக உலகத்தின் அடையாளமாக மாறிவிட்டது. பாட்டில் குடிநீரும் கேன் குடிநீரும் இன்றைய மனிதனின் அத்தியாவசிய பண்டமாக மாறிவிட்டது. பாட்டில் குடிநீரும் கேன் குடிநீரும் ஆபத்தான உணவு வகைகள் என்று இந்திய உணவு பாதுகாப்பு தர நிர்ணய ஆணையம் சமீபத்தில் தெரிவித்துள்ளது குறிப்பிடத்தக்கது. 

எனவே, மக்கள் அனைவருக்கும் தரமான, பாதுகாப்பான, சத்துள்ள உணவுகள் கிடைக்க தகுந்த நடவடிக்கை மேற்கொள்வது மாநில உணவு பாதுகாப்பு துறை மற்றும் இந்திய உணவு பாதுகாப்பு – தர நிர்ணய ஆணையத்தின் கடமையாகும்.

இயற்கையாக விளையும் உணவு பொருட்களையும் பழங்களையும் காய்களையும் உணவுக்காக பயன்படுத்தும் கலாச்சாரத்திலிருந்து மாறி செல்ல வேண்டாம் பாக்கெட்டில் அடைத்து வைக்கப்படும் ரெடிமேட் உணவுகளுக்கும் குடிநீருக்கும் அதிக விலை கொடுத்து வாங்குவதை தவிர்ப்போம் விவசாயிகளின் உற்பத்தி பொருள்களுக்கு எதிரான பிரச்சாரத்தை முறியடிப்போம் இதன் மூலம் கொள்ளை இலாபம் ஈட்டும் கார்ப்பரேட் கம்பெனிகளின் சதிகளை தகர்த்தெறிவோம் என்கிறார் நாமக்கல் ஏ. டி. கண்ணன். 

நுகர்வோர் பூங்கா (The Consumer Park) கருத்து:

செயற்கை ரசாயனங்களை கலந்து தயாரிக்கும் உணவு பொருட்களை தவிர்ப்போம் என்பது நியாயம் தானே?

பன்முகத் திறன் உதவியாளர்கள் (Multi Skill Assistants) தேவை. போட்டி தேர்வுகளுக்கு தயாராகும் இளைஞர்களுக்கு முன்னுரிமை

பீஸ் ஸ்ட்ராட்டஜிஸ் (Peace Strategies) பிரைவேட் லிமிடெட் நிறுவனம் சார்பாக பூங்கா இதழ், நுகர்வோர் பூங்கா மற்றும் ஆராய்ச்சி இதழ்கள் வெளியிடப்படுகின்றன. சென்னையில் உள்ள அலுவலகத்திற்கு இரண்டு பன்முகத்திறன் உதவியாளர்கள் தேவைப்படுகிறார்கள். 

கணினி வேலைகள் மற்றும் சமையல் பணி உள்ளிட்டவற்றை மேற்கொள்ள வேண்டும். கார் ஓட்டுநர் திறன் பெற்று இருப்பவர்களுக்கு முன்னுரிமை வழங்கப்படும். 

தொடர் படிப்புகளை மேற்கொள்ள உரிய நேரம் இந்த பணியில் இருப்பதால் போட்டி தேர்வுகளுக்கு தயாராகிக் கொண்டிருக்கிற இளைஞர்களுக்கு முன்னுரிமை வழங்கப்படும்.

திண்டுக்கல் மாவட்டத்திலும் நாமக்கல் மாவட்டத்திலும் அலுவலக பணிகளுக்கு செல்ல வேண்டி உள்ளதால் திண்டுக்கல், கரூர், நாமக்கல், ஈரோடு, கோயம்புத்தூர், திருப்பூர் மாவட்டங்களைச் சேர்ந்தவர்களுக்கு முன்னுரிமை வழங்கப்படும்.

விண்ணப்பதாரரின் திறமைக்கு ஏற்ப ரூபாய் 15 ஆயிரம் முதல் 20 ஆயிரம் வரை மாத சம்பளம் வழங்கப்படும். பணியாற்றும் இடத்தில் தங்கியிருக்கும் வகையில் இருப்பிட வசதிகளும் உணவும் வழங்கப்படும்.

இந்தப் பணிக்கு விருப்பம் உள்ளவர்கள் வரும் 2025 மே 10ஆம் தேதி வரை தினமும் மாலை 6 மணி முதல் 7 மணிக்குள் 8825579768 என்ற தொலைபேசி எண்ணில் தொடர்பு கொள்ளலாம். தேர்வு செய்வது இயக்குனர் குழுவின் முடிவுக்கு உட்பட்டது.